اقتباس:
المشاركة الأصلية كتبت بواسطة غالب الحبسي
ويش مشكلتك 3
بيسة بيستين
مية ميتين
ريال ريالين
كم لي !!
وكم علي!!
والفائدة على من
وانا الحين ادفع لمن
ولي دفعته حال من
علامه يكلم نفسه!!
شكله مجنون او فاقد حسه
الظاهر فيه جن او جني مسه
يا هووو ..
يا أنت المتكلم مع نفسه
يا ماشي وحافي القدم
علامك كذا
وعلى وين رايح كذا..
مبيّن فيك من الغم .. غم
والراس متروس من الهم
اكلمك ما تسمع
ويش أنت أصم
اناديك ما تسمع
ولا تعبر ولا تهتم
من البطرة هذا ولا من كثير النعم
الله يهديك من وين لنا هالنعم
البطرة ما حالنا ولا لنا
البطرة خليها لاصحابنا
زين فهمني ويش مشكلتك
مشكلتي مشكلة
وانا بنفسي سبب هالمشكة
مشكلتي
كنت قنوع وراضي بالهم
صحيح ما عندي بيسه
لكن هذا النصيب المحتم
كانت تكفيني من الخبز كسرة
وكنت أكل العيش في اليوم مرة
وعايش مرتاح وفي سترة
انام خالي البال وراحتي تمام مرة
لكني رفضت القناعة
وجريت ورى المال مثل الرباعة
لا حول ولا قوة الا بالله
ما غير أقول يا كريم يا الله
زين اعتبرني صديق تسولف معاه
وإذا بغيت بلحظة انساه
لكن خبرني ويش مشكلتك
وخفف على قلبك هذه الآه
الصديق الوفي ما دايم تلقاه
فخلني لو شوي اسمعك
اعتبرني بحر ترمي فيه همك
معروف عن البحر تعطيه سرك ولا تلقاه
ياليت بس لو بهدوء تتكلم
وعسى الله يفرج عنك الهم
مشكلتي اني مديون
احس نفسي مجنون
تايه .. الوعي بداخلي مدفون
أنام .. احلم أني مسجون
امشي بين الناس وما عارف من أكون
ديون .. في ديون .. في ديون
لا عندي ريال ولا عندي مخزون
بعت سيارتي والعفش
ما بقى في بيتي غير الفرش
كنت اريد اصبح مثل الناس مفرفش
ويبقى المخبا بالفلوس مخرخش
تسلفت كثير .. وكثير
ومعروف عن الفقير دمير
قلت أصير مثل كل الناس
أكون مثلهم اصاحب خيرة الجلاس
لا نفعني خيرة ولا نفعوني الناس
خلصت الفلوس وللحين باقية السلفية
ويش هالورطة يا صاحب الفكرة الذكية
عشرين سنة مرت وما خلصت هالبلية
ثلثها بس اللي أنقضى
وفوق النص باقي وللحين ما مضى
يارب اسألك الصبر والرضى
من بلية تدعى ديون وسلفية
نسيت اسألك
من وين جاتك هالبلية
يعني من سببها
أنت او البنك او البلدية
أنت من ركض البنك تريد قرض
رميت بديونك السابقة على عرض
ما همك ستر ولا عرض
ولا فكرت في فوائد تكسرك
ولا اهتميت باوضاعك وعمرك
وشو راح يصير لاهلك واولادك وبيتك
فكرت الحل في كل هذا بالقرض
لكن يا صاحب المشكلة
ما عمرها تنفع كلمة يا ليتك
عقلك براسك تعرف شنيك وزينك
ما ينفعك الفلس دام جاك بسلف
وما تغرك الدنيا كل ما فيها ترف
القناعة كنزها ابد ما ينوصف
ما كل انسان بما في هالكنز يعرف
فلس بلا دين ولا قرض و سلفيه
افضل من سلف ودين وكل يوم بلية
خذ مني الحكمة وعليك بالافعال
تسمعني يا رجال
اوهووووووو تسمعني
يا هيه انت علامك ما تتحرك
اوووووووووووف مات الرجال
يا ربي وش هالبيلة
الله يرحمه مات بالسكته القلبية
راح وما عرفنا لمشكلته الحل
مصير صعب التفكير بالعقل اختل
ومن كثر الهم كل شي فيه انشل
فعلا الهم قاتل ...
وكم وكم من الهم ما قتل
الله يرحم كل مؤمن
فكر ان الفلوس هي الحل
وهي الاساس لكل شيء والفعل
الديون مصيبة
والسلفية مصيبة كبرى
لا تستطيع تهرب منها
ولا انت بالهرب تقوى
فخلك بالستر وارضى
ان القناعة كنز .... أبدا لا يفنى !!
( حرف )
لو كانت السلفية حل لكل شي
ما عمرنا عرفنا التفاني والسعي في العمل
انتظرونا
في ويش مشكلتك 4 ..
تحيتي للكل !!
... من رجُل !!
|
أختيار موفق للمرة 3
مشكلة فعلا تحتاج للحد منها
أبدعت ..
متابعه معك
كن بخير
26-02-2011, 06:30 PM
العرض الشجري