أنتي عيارة رقم 1 .. الحين تقولي بأنك دايما تمري على مواضيعي أنا ومصطفى لأنها في منتهى الفكاهة. والحين تقولي أنا بدوية وما أفهم عليكم يا الحضر !!
المهم أنا بتواضع أحم أحم عشان نساعدك في الترجمة
(الفوالة باليوغسلافي : تعني مجموعة من الفواكه موضوعة في صحون يتم تقديمها في جلسة المعصرات للضيوف مع الكابتشينو يعني القهوة
)
الرغي والتبربيرة بالبلغاري تعني اللي لسانه متفلتة .. يعني ثرثار
الأمبا أو الهمبا أو اللمبى .. كناية عن فاكهة المانجو العماني... تدخلي الدكان .. تقولي رفيج عطني واحد عصير مانجو .. يعطيج سن توب أخضر وعليه صورة دب .. جنب الدب .. فاكهة المانجو ..
البيذام .. عبارة عن فاكهة موسمية يستخلص منها عصير الفيمتو (أما إذا ما تعرفي فيمتو عاد إنك بدوية من صدق).
شخور شمامة .. (الشخور هو الناتج من تقطيع الفاكهة بالسكين .. يعني إذا مسكتي السكين وقطعتي تفاحة أربع قطع .. القطعة الواحدة بلغة الماساي تسمى شخور.. قطعتين شخورين .. 3 شخاخير .. على وزن فعاعيل)... والشمام إذا ما عرفتيه .. يعني جح .. يعني رجي .. يعني بطيخة داهنة وجهها بكريم تبييض بشرة (عندها عرس)... والمبسلي نوع من أنواع التمور الهولندية
الراب (هو فن الميدان لدى الأفارقة الأمريكان) ويلقى باللغة الإنجليزية في الحواير.. وقد أخذ هذا الفن بالإنتشار في دول العالم بلغات محلية .. ومن أبرز شعرائه (نورة البادي
).
الجلكسي .. (إذا عندكم ستالايت .. حطي قناة MBC على كل فاصل إعلاني .. تطلع حرمة تأكل جلكسي وهي عبارة عن قطعة شوكلاته تستخرج من فاكهة الكاكاو الأكوادورية .. وبعدها دعاية معجون أسنان سنسوداين عشان الصغيرين .. يعني الصغارية ما تسوس أسنانهم .. يدهنوا الجلكسي بالسنسوداين عشان السوسة تموت
)
الدلة .. هاذي ما عندنا نحن أهل الحضر.. هاذي والله من عندكم .. في المسلسل البدوي .. يدخل الشيخ نهاش وينادي على زوجته .. أيش يقول؟ يا مرة تعالي .. هاتي (دلة) الجهوة .. يعني إبريق .. يعني Coffee Pot ..
بس أنا عندي سؤال .. أيش معنى السموحة .. أنا أعرف سمبوسة بس
05-04-2010, 08:26 AM
...طيب السموحه بدون تشديد الميم تعني نطلب السماح منك بعد لا تجول لي السماح يعني سماح البلوشي اللي معكم
...
العرض الشجري