صدق هذا اللي يتبعثــر من (شفايف) هالصريـــح؟؟

[محمد بن ضحي]

هذا جديدي





..وبلا مقدمات

اتمنى ان تعجبكم


..الطريح..

_(راحـــــت) وشلت معاها رزمة أوراق العهــــــــد
راحت ولا تم معي إلا هذا (الطير الجريــــــــــــــــح)

_حاول بكلتا الطرق (يرفع جناحه) للسعــــــــــــــــد
كل مرة يرفعه تتبعثر افراحه و(يطيــــــــــــــــــــــح)

_ما قوى صدة هواها ما قواها يا البعــــــــــــــــد
وينها..؟؟ لأول تشيله تطلقه فيني سريـــــــــــــــــــــح

_حلق ف أحلام حبي اوتهج قصدي اوتقــــــــــــد
شعلة أحساسي بضيك افرش ابها واستريــــــــح

_اجلس تقهوى ف شجوني بات فيني والوعــــد
كل زماني لك حلالك باللطافة استبيـــــــــــــــــح

_وطد خصال التوالف حبني ابذل جهــــــــــــــــد
لا بغيت ابراج قلبي ابني ف اعلاها ضريــــــــح

_ادفن الشك ف مكانه قول هذاك اللحــــــــــــد
مات فيه الشر لكن سمي (الموت المريــــــــــح)

_ثم أصرخ يا (هبوب الحب) وفيت العهـــــــــــــد
ثم سيأتيك الوحي من خلوته ينهي المديــــــــح

_بيننا عهد الغرام المنتشي وبلا أمــــــــــــــــد
لا امد تعني اشتريتك او عتقتك لا صحيـــــــــح

_دير بالك عالأمانة حطها ف (عين الأبــــــــــد)
لا تشمت فينا هقوات العواذل يالـــــــــــــرجيح

_احمل الصبر وتهيد.. ريض.. أنتــــــــه في صدد
اندماج ارواحنا .. (سر المــــــــــــلاحة يا المليح)

_كنت أصــــدق قمت أسرح بحر شكي ما نفد
صدق هذا اللي يتبعثر من شفايف هالصريح؟

_صدق كذبته يا شاطر كذب صدقته وسهــــد
في مشاعيبك (غرام) و(هم) و(كثير) و(شحيح)

_هل صحيح أنك اذا اوفيت عهدك تنفــــــــرد؟
وأن تفردت بوفائك هالعهد هل هو صحيــــح?

_استريح اليوم وانسى كل من راح وجحـــد
لأنه اصلا من بقالك غير هذاك (الجريــــــــح)

_مهما حاول يرفع الجنحان يتبعثر سعــــــد
لين تتفهم بأنه راح ما همه (الطريـــــــــــــح)


محمد بن مرزوق بن ضحي