عاصي العشق

[ناصر بن سالم الهاشمي]

وأنـــا اضم الاخيلـــة خـــالجتني – اخيـــــــلـــة
قـالت ان الشـوق همسه بين عاشق ومعشوق

ايه احبـك مــا هـــو سطحي ولا يجيز الامثـلـــة
حب عقل وصادق احساسٍ سكن وسط معلــوق

ان تـمر اســـراب طيفك كــل مـــا فينـــي دلــــه
احتريت الليل عينك واللقــاء صبـــح وشـــروق

لك اخـــاوي النجم مسرى طـــــار ليـــلٍ مجملـه
وســـأل الايـــام وصلك يـــا تبـــاريح الـــدفــوق

لا تحــد الشـــــوق تيهـه يـــا ربيب المنـــزلــــة
خـــذ من اللهفه مــواصــل واغتنم للـوقت ذوق

لــو علــى كلمــة احبــــك مفــردة مسترسلـــــة
بس كيف اشلون احبـــك مـــا تناقــلها عشــوق

تـــدري انــي لا طريتــــك حمل مــــا استحملـــه
وان طرى هاجس بعادك أنبرى للدمــع مـــــوق

استهلــك حــلم عمرٍ عـــاصي العشــــق اشعله
وان تبادت لـي ثنايـــا بسمتـك ابـــريت عـــــوق

لا لفـا دافــــي الحنيــن اللــي تهـادى مخجلـــــه
او تمادت من يدينك من ورى ذا الراس طـــوق

في دجا ساهي رموشك ليل حضن مـن الولــــه
ونا تسرقني الدقايق من ذرى الطرف السـروق

ل أمطرت ديمــة مزونك بــــــــرد ليلي مطولـــه
احتضن رعــــاد شوقي وصل هتـــــــانٍ غــدوق

يـــا الغلا كلـــي رجــــاوي كاهلي حمل اعضلــه
النوى يرضف ضكيمه وصبري سحابه يســــوق

اهتنيتـــك فــي زمـــانٍ جـــــــود عــذاله هــــــله
لن بديت الهم شاكـــي سن لـــي رماحـــه زروق

ولا طـــــابــــور العـــواذل اخـــره مـــع اولــــــه
بيـــن قــــاموس المشاعــر ضيع رسوم الفروق


والسموحة على طول الغياب // اخوكم نااصر