*** قــد نـصـحـتــك ***

[عامر بن محمد الحجري]

السلام عليكم أخواني
أولا أسمحوا لي على هالغياب

والتواجد بينكم شرف والله ، والله يعيننا لما فيه خير

أتيت بنص قديم بعض الشي
عساه يكون جديد باسلوبه ان شاء الله


قد نصحتـك واثرك أهملت النصـاح . @ . والكـلام ألْيـا بـديـتـه .. تقـطـعـه
مـا عـرفـتـك قـاصـدنهـا لـي مـزاح . @ . ولاّ هــذا خـافـي طـبـع ٍ تـتـبـعـه
جـاتـك حْـروفـي تبـاشـيـر الصبـاح . @ . وانتـهى الصبح وبـدا ليـله معـه
لا تـبـيـّن لـي تـراحـيــب وصفـــاح . @ . ولا بــدا مـن مـا تـبيـّن مـنـفـعـه
جيت أسأل دفتـري عنـّك .. وصاح . @ . كنت أضن أنـّه ظهـوري أفـزعـه
قـال: لا واللـه ظهـورك لي فسـاح . @ . لكـن اللي فـي سـؤالـك نجـزعـه
قلـت: كيـف ايصيـر هـذا والسمـاح . @ . وانت أحيدك في فواده ومدمـعـه
قـال: لا تنشد عن الماضي المـزاح . @ . حـاضــر الأيــام ألـغـتـنـي مـعـه
في غيابـك حسّـب حـروفـي رمــاح . @ . واعتبـر حبري سمـوم تزعزعـه
قلـت: مـا ضني يسـوّيهـا الـفــلاح . @ . لي حـوت نفسه الأصاله تردعـه
قـال: هـذا قــد تــوارى لـلـشـحــاح . @ . والصحـيب اليـوم غيـّر مـرتـعـه
راح ذاك السعـد لـي كـنـّه وشــاح . @ . لي جمعـنـا في جوانـب مقـطـعـه
قلـت: أصبـر مـا يفـيـدك هالـنـواح . @ . بقـصـده عاني أسألـه واسـمـعـه
كـان أخطـينـا ، بنطْـلـبـه السـمـاح . @ . وكان هوْ مخطي ، عليـنا نقـنعـه
بـعـدهــا ويْحلّ لك فـعـلـك مـبــاح . @ . فانـْتهـاجـك والـدروب امـشـرّعـه
قـال: ارجع بـس مـن هـذا الكفـاح . @ . صاحـبـك دونـه العــواذل أقـنـعـه
ما يعرْفـك وسوسوا بـه لين شـاح . @ . عن دروب الوصل لي تستجمعـه
تـاه فكـري حيـنهـا عـنـده وســاح . @ . فـي خـيـالات ٍ تـثـيــر المـعــمـعـه
وجيـت ماني من كلامـه فـرتـيـاح . @ . وبـان لي صدق الكـلام ومـنـبـعـه
وريـت نجـم الصـد بالعـدّه كـلاح . @ . والوصل ما غاب نوره ومـطـلعـه
ليتني فالوصل مـ عطيتـك مسـاح . @ . وليتـنـي أدركـت فاللـي تـصـنـعـه
كـان نفسي عالأقـل فيهـا انشـراح . @ . تهتـني به وحاويـه طـول السـعـه
والأسـف هاليـوم طيـر الهـم نـاح . @ . فـي معـاليـجـي نــداه ومسـجـعـه
من يقول الصدر مربـاع الصيـاح . @ . حسبي الله فـي غـيـاب ٍ تـشـرعـه
الحقيـقـه تبيـن لـو قلـبـك مـ بـاح . @ . والليـالـي تـكـشـف اللـي تـودعـه
مـا عليهـا قــول هـذي واتـّضـاح . @ . قــد عـرفـنـاهــا وفـيـنـا تـطـبـعــه
روح ربي يحفظـك صبـح ورواح . @ . كـان سـتــرك فـالــوداع أتجـنـّعـه
بس أعـرف م انخلـقـنـا فالبطـاح . @ . نتـبـع اللـي راح ، وانهـلّ ادْمـعـه
وانصحـك ياللادمي دنيـا الصلاح . @ . والتقـاء والـديـن فالقـلـب ارفـعـه
وعن متاهات الخلايـق والجمـاح . @ . خلك أقـرب للوحـي مـن مـرفـعـه


هذا ، والسموحه إذا في قصور

والسلام ختامنا