أ
أسري جداكم أول الليلْ
واطوي الصحاري صوبكم طي
طول المسافه تقطعِ بْميلْ
غاية سروري أطوي الفي
خيلي لشوفك تصهل صْهيلْ
تعدو لدارك كنه الغي
يعجز لجامي يكْبحِ الخيلْ
أبغي أردها.. صدها شي
دمعي حبيبي دومه يْسيلْ
ساعة وجودك كنّه الضي
أهدي لقانا شوق بكْليلْ
سعدي بديكم تسقني المي
كم من جميله حاولت حيل!
فشلت حِيَلْ (نوره).. (وعد)..(مي)
ودك بقلبي شايله شيلْ
احفظ وعودي دامني حي
لنّكْ حياتي قهوة الهيلْ
تنعش مزاجي وارتوي ري
واجه ظمانا ميّة النيلْ
لكن خساره صارت شْوي
مثْلي كأمٍ قلبها يْميلْ
صوب الولد كم يلتوي لي
ضحكة شفاهه همّها يْزيل
يبكي تجدها تنكوي كي
يكبر غلاكم كلما قيل
اسمع ذكركم وانتفض حي
عبدالله بن خزام المعمري