البارحه قلبي
:
أنا المنسي في جزيرة الأحلام ، أرتدي ثياب الفرح قليلا .....
وما تلبث أن تجبرني على خلعها رغما عن أنفي ، وعندما أحاول مغادرة الجزيرة ، تنتهي تأشيرة
العبور ؛لأعود تائها حزينا كما كنت أول مرة ..سأبقى سعيدا بثياب الحزن.... هكذا
لم تعد بعد اليوم لي رغبة في ارتداء ثياب الفرح ،فثياب الفرح لا تتناسب ، وملامح وجهي الحزين
نفد زادي هناك ، وعدت فقير الحال ، فكيف لي أن أعود؟
لم أعد أمتلك ما يساعدني على تحمل أعباء الزمن،أو لملمة ما تبقى من متاع الغربة …
البارحــه قلبي علـــى الوعــد شبّـــــاب**والشــــــوق يلهب في خفوقي ايكَويني
هذي ثلاث سنين والقلــب منصاب**والصـبـر "ويلـــــــــي الصبر" ما فـاد فيني
كلما طويت اهموم صفحه من اكـــتاب** تنخـــاني الصفـــحات لا لا اتطـــويني
وانا رقـــــيق القلـــــب ما ارد طـــــلاب**حتى الشهامــه بالمصايب تجينـــــي !؟
وتقول لي يا ساكنٍ بين الاهــــــداب ؟: **العشــره سهل تهون بين الثنينـــي؟
جاوبتهـــا والدمع عــ الخـــد صبّــاب :** العين تبصـــــــر مير قصـــرت يديني
دبّت بي النخوه واعــزم لهـــــــا اركاب**واصرخ "حشا" لبيــه بس انشــديني
حسيت موتي بين قوسـين أو قاب **واستغفـــــر الله ان بـــــاح ســـدي كنيني
من وين ما صكيت باب انفتــــح باب**يــ همومي بسّك من عذابي ارحــــميني
متعوب حالي ما بقت فيني اعصاب**محتــــــار ويش الحــــل ، دخلك عفينــي
منهو يعزيني على موت الاصحاب**يــــــ اربــع حروف اللي تجمّـــل سنيني؟
ازريـــــت انا ضيقه وغرابيل واتعاب**والنفــس ضاقت ميـــر ربــي يعينـــي
لونك بغيت تشوف قلبن الــــــــى ذاب**برمــال مطرح شــــــف بقايا حــنيني
باسباب يـ اهل الجود ولا بلا اسباب**"ضيم الدهـــر متربع(ن) في جبينـي"؟
والله ماني بالمشــــــــــاعر بكذاب**لاجلـــه حملت المـــــوت في راحتينــــي
واطرفي اللي من عنا الهم قد شاب **واقلبه اللـــــــــــي طق كبــده حزيني
الضــيم ياهل الطيب ارهاب بارهاب**والعدل زين وظلـم العبــــــاد شيـني
تنزف جروح القلب عـ اوتار زرياب **انا"عصي الدمع" "عوّدت عيني"
ودعتها،"الاطلال""والحب غلّاب"**"والحب كله ، والأمل ، واذكــريني
ولو ثارت الهيجا على الراس يــ عقاب**في حرب ما نرفع لها رايتـيني !
ما عنّه تحول خفوقـــــي ولا تـــاب **ومـ اعلـن نهاية حب بينه وبيني