القصــــــــــــــيده مهـــــــــداه للمنتــــــــــدى....
البديوي.... والبحر الميت
خبروني كيف بوصف ... من رسم قلبي حلاه ؟؟!
كل ما أنظر عيونه ... ما أحاتي العاقبه ....!!!
سهم من عينه لمحته ما أعتقد منه نجاه !
بين كل مده ومده صار فيني يجربه .......
فاقد الإحساس كني ... كل تفكيري معاه
قلب ومخدر بسهمه... ما يحس لو صوبه !
كل شي صاير يحبه كل شي صاير فداه
كل شي رايد وصاله ... بس منه يقربه
ليه يقولوا البحر ميت؟ وش هي أسباب الوفاه؟!
السبب من هالبديوي لي بغرامه ذوبه !!
قالها المهزاع بحره صار سكر من شفاه !!
من يسيل الريق غفله كل ملحه يقلبه ...
من عذابه له عُذوبه... يحتوي لذه ف ماه
كيف لو يسقيك ريقه وأنت منه تشربه !!
من غلاته يوم يمشي ع الرمل حافي خطاه
زاد سعر الّرمل والله...وصدّا مالغيره ذهبه !!
البديوي إللي أعرفه يختلف عن كل بداه
في عتابه... في مزاجه... يوم أزعل يعجبه !!
هو يعاند في فعاله... طيب ويصنع خطاه
يبغي بس أقرص ع خده... من دلعه أتوبه
من تجي عينه بعيني ضاع رمشي في فضاه
ونحنت هالشمس تخجل من يضوي كوكبه !!
في أبتسامه ذاب قلبي م الغزل لو ما حكاه
والغزل خايف ع قلبي لو بغفله أسكبه !!
كم يقيس الشوق فيني... كم غربلني معاه
يا حبيبي بي ترفق لا تعيد التجربه .....\