[أنور العلوي]

حرّمت أقول الشعر


شمس ٍ تنّور دنيتي في سماها
حَطت على روحي امل غير محدود

عشت انتظار وعشت اؤمل حلاها
ما بين رغبة ولهفة ٍ تَغمره زود

سميت بإسم الله اليقين وفداها
عقلي وروحي وكل ما فيني معدود

تسلم يمين اللي ترقّب خطاها
صبح ومساي وليل له صاروا شهود

عوّدت نفسي ابتسم في شفاها
حتى دموع الحزن ما ودها تعود

هي السبب قلبي تنفس هواها
مثل الزهور تعطر الوقت بالعود

ان غبت عنها كل شوقي لقاها
والفكر يسرح بي ولا كني موجود

تدري قمر ليلي يظّلم بلاها
والشمس تعكس نورها بغير مردود

ماس وذهب يسوى مجرد صداها
والناس ما تشري الذهب غير معقود

صايغ صنعها ويسلم اللي يباها
عزة وفخر يورثها لابد موعود

وان كان وصفي قد تعدى مداها
حرّمت اقول الشعر وما عاد لي وجود