من بادي الوقت هذا طبع الايامي = عذبات الايام ماتمدي لياليها
حلو الليالي توارى مثل الاحلامي = مخطور عني عجاج الوقت يخفيها
اسري مع الهاجس اللي مابعد نامي = واصور الماضي لنفسي واسليها
اخالف العمراراجع سالف اعوامي = وانوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفا لك زمانك عل ياضامي = اشرب قبل لايحوس الطين صافيها
الوقت لو زان لك ياصاح مادامي = ياسرع ماتعترض دربك بلاويها
حتى وليفك ولو هيم بك اهيامي = سيور الايام تجنح به عواديها
كلمات الامير خالد الفيصل