[عبدالله العمري]

لقصيدة الثامنة:::: ما بعد فرقى الفصول المورقة




مابعد فرقى الفصول المورقة!!




ما بعد فرقى الفصول المورقة :غير الغياب
والليال الحالمة...... . في دفتري دوني دليل


شمعةٍ تطفى،،، كفوف ٍلامسن غير السحاب
صرخةٍ ضاعت ضميرٍ يشتكي من ما يشيل


آه يا حلم إنتهى ساعة ونا تويّ شباب
والطّريق إللي نويته صار عن مثلي طويل


لو أببكي من ندم ما تنفع دموعي عذاب
لو أبشكي من وجع ما تنبت جروحي نخيل


ليه دايم يختنق صوت الأماني فكتئاب؟
ليش أضحك والفرح في داخلي عودٍ نحيل؟


ما بقى لي حرف أنده به و يمهلني خطاب
لو على صمّ الأذاني لو سماعي مستحيل


صرت ضايع محترق عظمي تباريح اليباب
بار حظى ماد صرحي والأمل أمسى دخيل


قلب بارد ،حلم ضايع ،هرج لا خذني وجاب
كود كذبٍ من عمل عاذل ومن قالٍ وقيل


هيه يا وجه الحياه المتعبة ما بين ناب
ذيب جايع معتدي أو طعنةٍ فيني تسيل


أطعني ما عاد لعزومي على قهرك حساب
لا وهل يقوى على كثر الألم غيري عليل؟


يا سحايب ديرة المنفي عناوين الخراب
يا مواطي خطوتي يا شمس بزغات الأصيل


عانقي لحدي رثا من دون دعوات الإياب
واندبي جسمٍ لموته ما هقى صوتك عويل


نفترق يا دنيتي وبصوت يجرحني جواب
القضا يا هيه لا تزعل ولو خطبك جليل


وش يقول إللي غرق في قاع تطويه العباب
دو ن مركب يوصله مرسى ويلقا له سبيل


أو رماه الدّهر في صحراء تتبعه الذّئاب
ثم عجز ياقف وأقدامه معا عجزه تميل


كود ربّي، يا إلهي ، يا معيني وستجاب
عنك هاذا ما يفيدك غير ربك ما يحيل