ضميري
راشد الهنداسي
4\2\2013
ضميري مابقى غيرك معا ذالوقت يلهيني
حبيبي للاسف سافر لقاله واحد(ن) ثاني
قبل آخر سنين الحب اقول " الله يا زيني "
كأن الشوق واحساس العشق في علبة الواني
غريبة لوني الاحمر نزف دمي على يديني
غريبة ما مدى اكتب احبك قبل تنساني
غريبة شوفتك فيني غريبة كيف تنهيني
واغرب شي فالدنيا حبيب(ن) غير انساني
تعال الوقت غطيني واكتم صرختي فيني
تعال اهمس تحت ضلع المواجع " انسى وجداني "
ي ليت الحب في تالي الزمن مابينه وبيني
سوى ذكرى على هيئة عقد في رقبة الفاني
اخاف اكتب معاناتي شعر واتسطر يميني
واخاف ان عاد في بوح الحروف الصم يلقاني
ي غايب والجروح ادرى بأيامي مع سنيني
لجل موعد سهرتك غرفتي والنوم بيباني
ي غايب والخجل يسفر على رمشي على عيني
نظرتك طلتك كلك حبيبي كان يفداني
ي غايب والخطى مثل الخطايا لازمت ديني
ي ليتك ترجع وتغفر خطاياك بخطى الجاني
تصدق كنت اشوفك غير عن كل الي يعنيني
اشوفك ظلي العاني وانا لك ظلك العاني
ألا يا طرفي الناعس هجيت انك تقاسيني
ولكن غمضت عيني , خسارة خيبت شاني
عموما ما اريد اجرح قلب زهرة بساتيني
فقط في خاطري كلمة قبل لتغير مكاني
انا عادي ولتحاتي , ضميري عاد يلهيني
" احبك للابد " , افضل اغيرها على شاني