[نرجسية]

المشاركة الأصلية كتبت بواسطة رحيل الآحبه

قريت القصيدة اللي كتبتي بي قوافيهـا
وفزت كُل المشاعر تبحث لها عن راحــــة
ما عرفت إن الورود تذبل لا غاب ساقيهـا
و إن القلب في عهد البُعد تكثر جراحـه
تسببت بجرح من يحب القلب طاريهـــــــا
نسيت الغلا اللي جمعنا وأهملت مفتاحه
واليوم جيت أقرا حروفها وأتأمل معانيها
وراجع ما مضى والدموع بالعين فضاحه
بنيت بالهوى دولة وكنت أعلى مبانيهــا
لقيت إني ما عليت وطولي طول تفاحه
شريتِ في هوايا أرض وقلتِ عيش لي فيها
تِخيلتِ أمليها حب و وفا و أزهار فواحـــه
وأنا أول ما هدمت الشيء الحلو فيهـــــا
أهملت ورحلت وأخليت لكِ الســاحـــه

وجيتك أشتكي لوعة حسبت لقاك يمحيها
لكن خابت ظنوني طعني الوصل برماحة


حسافة ياالسنين اللي قضيت العمر أرجيها
جمعها هاالزمن واليوم يذريها مع رياحة


سلامـــي للعمر..للــوعد للدنيا وأمــانيها
وعذرا ياوهم مالي أنا في أرضكم ساحة


أبرحل واترك الأيام والذكرى وماضيها
واسافر للأمل يمكن ألاقي للضما واحة

...................



والسموحة ع الخربشة السريعة
وشكرا رحيل الأحبة .