[كاملة البلوشي]

على طاري الوله قلبي ترمل صار له سنتين
وحيده بدنيتي ومحد على جرحي يواسيني

عيوني تناظر الايام وتترجا رجوع الزين
نزف جرحي على وداعك دخيلك رد داويني

تسألني عيون تحن عطشانه حبيبي وين
تعال وشوف كيف الشوق من بعدك ياذيني

وحشني صوتك الدافي وحشتوني يانور العين
وكيف يطاوعك قلبك علي حسره تخليني

اذا قلبك تحجر شوف قلبي انشطر نصفين
ضعفت وحيلتي قلت ونار الشوق تكويني

يطول الوصف ما اقدر احلل حالته في بيتين
معاناتي طغت فيني وتسري في شراييني

كاملة البلوشية