السلام عليكم اسعد الله مسائكم هذه قصيده متواضعه بعنوان معاناة عاشق
على شط البحر واقف اسلي نفسي بالهوجاس
يراودني صدى فكري وجلب صفحة احزاني
الا يا بحر انا عمري حزين ورقته احساس
تراودني هموم افكار وصعبه حيييل تبياني
على شط البحر تعزف اماني موجته اجراس
تسلي قلبي العاشق وتسلي شوق وجداني
وتجري في فضاء فكري طيوف موشحه بالماس
ترجع لي حنين الشوق وسطرها في ديواني
لجل حبك غلاء روحي وصفتك بين كل الناس
وتهلي بك طيوف الشوق وكل همن تبلاني
انا كلي وله دنيا انا كلي وفاء واحساس
وفاء مرهف بآمالي وصدوق الوعد عنواني
انا تايه على شطك ويصارعني فكر حياس
يحطم كل مجاديفي وصمت الوقت عاداني
تمر الثانيه في قلبي ولها في خافقي نبراس
وصدى صوتي يهيم بصمت ومركب كله آماني
تمهل ياخزين الجرح وخط بخاطري كرياس
وسطر خافق احساسي بهمس وشوق انساني
تدري يا بحر صوتك يزيح الهم والوسواس
اذا عانق نسيم الموج حنين الشوق اجفاني
عجزت اشكي لغلاء روحي عجزت اسامر الرماس
وعجزت اشكي لحب منسي مضى م وقتي ازماني
الا يا بحر انا جبالك دخيلك جاوب الانفاس
وجاوب لا شكى وقتي وشكيت الدمع باعياني
خلاص انا نويت ارحل واطوي صفحة الجلاس
وارد لذكريات امسي واسلي الوقت بالحاني
الين احضى بوقت فرحي يزف بخاطري اعراس
والين احضى بغلاء عمري ويرجح كف ميزاني