محاورة عن طريق الهاتف بين سالم مسلم المحيجري وسالم سعيد بتاريخ 21/8/2015
سالم مسلم:
خميس أخويه سوى واتساب جديد
حتى خوانه استعيبوا من هالأمر
وبعد يقولي سالم بتعلم قصيد
باتسمعه كلامي وبانظم الشعر
سالم سعيد:
وأنا مثيلك صابني رعب ن شديد
وحتى مسلم كان مثله منتظر
محلى الصياغة يوم رددت النشيد
وشي م الصياغة سالم بتسبب عبر
سالم مسلم:
قالي يخويه سالم كلفني سعيد
قالي اشتريلك تيلفونن معتبر
وبالواتساب خميس بتكلم حميد
وحتى ربيعك باتكلمه م العصر
سالم سعيد:
أما ربيعي دايم يتبع التجديد
وكل ما يجدد شي ن يبقى مشتهر
قالي يسالم بستوي مثلك عنيد
ويلي يعاند بونه بايسبب شر
سالم مسلم:
وخميس خويه بعادته بايستفيد
عسى يحصل فايده وبايستمر
وأما مسلم ماخذ تيلفون فريد
هو ماخذنه من قبل لا يعتمر
سالم سعيد:
الله يوفق صاحب الخبر الأكيد
يوم بلغ ربيعه بشوره وانتظر
يمكن مسلم يبغى لهاتفه تمديد
حافظ فواتيره وبأرباحه ظفر
سالم مسلم:
شي م الهواتف سالم كلها تقليد
تشوفها زينه بسرعه تنكسر
فوداعة الله وبيكون الفواد سعيد
والله يوفقهم وبينالوا الأجر
تمت