[وليد الحضرمي]

صباح جميل كجمال قلبك الشفاف اختي غصون
احترت اي البيات اختار لادون اعجابي المتواضع
فوجدت ان القصيدة كلها حوت من الجمال كل ماهو جذاب ولامع وبهي
لك الود سيدتي

وهل العيد يا يمة وانا قلبي هنا ناطــــــــر"
أبي منه قبل موتي يوادعني يجي يمــــي"

أبهديله دموع القلب له تجري نهر عابـــــر"
وأرسله نزف عمري مواجع ترتشف دمي"

تباشير الفرح ماتت وأمني النفس في باكر"
أبي حضنه واشوف ان القبر يسرع يبي لمي "

يصوم القلب عن غيره وعلى حبه يجي فاطر"
أبي انطق شعوري له يموت الحرف في فمي"

أنادي يا هوى ارجع ترى بالي غدى حايــر"
ولا ألقى سوى حلم(ن) يسمونه بخت وهمي"

ينبش بالقدر عله يبدد حظـــــي العاثــــــــر"
يحاصر هالزوايا اللي بكت حلمي قبل عزمي"

يا يمة هالوجع يذبح غدى لي هالألم كـــافر"
يجيني تاعب(ن) قلبي وينده لي على اسمي"

يا يمة لا تخليني هموم(ن) مالها آخــــــر"
ترى هالدهر يا يمــة يبالغ حيل في ظلمي "

يا يمة قد مضى هالعيد وأنا قلبي معه سافر"
أناجي فرحتي ترجع واغسل بالندى حلمي "