[حمود المهزاع النعيمي]

المشاركة الأصلية كتبت بواسطة يوسف الكمالي

إسمي موظف.. إسمي عاطل
تلميذ.. شيبَهْ.. طِفْل.. شـــــاب

فقييييير.. وَاعْشقها بلادي
لو كانتِ مْجرّد تراب

قضيّتي ما هِيْ بِمنزل
وْلاهي بِأَكْلُ وْ لا ثياب

قضيّتي في هالوزاره
أللّ افْتحت مِ الْخلف باب!!

تعالو نتحاور .. نغنّي
نرسم .. أَوِ نْأَلّف كتاب

كلْ عضَّه في جِسْمِ المناضل
سكّين في فم الكلاب

أيوه بناقش هالإداره
وِ بنتقد هذا الخراب


مَايْخاف تلويح الأيادي
إلاّ العناكب والذباب

المشكله ماهِي انْجليزِي
وَلا علوم ولا حساب

المشكله في من يصفّق
بدون وَعْيُ وْ لا حساب!!

مصيبتي ما هي تجاوز
إشارَه.. وِمْشاغب شباب

مصيبتي الشرطه تخالف
كل حرْمَهِ تْسوقِ بْنقاب!!

بسأَلْك لو هي بنت راهي
على شبح كنّه عقاب

قِلْ يِقْدَرِ يْخالِفْهَا شرطي؟!!
وِانْتُ وْضميرك في الجواب

وْلو بنت حلوَه تْسوق لكزس
رقم أحادِي تْقول ناب


ماعندها رُخْصَةْ قِياده
وْبلا حزامُ وْ لا حجاب

وقّفْهَا شرطي.. وِشْ هو رايك
يخالِفَ.. اوْ يعتب عتاب ؟!!

لا صارتِ الْكلمه قضيّه
أو غنمَه تنهشها الذئاب

كلمة رجلْ وِخْذوها مني
السِّجْن للحريّه.. باب


صح لسانك..

صح إبدنك عزيزي يوسف
و ما عليك زود
مرورك كرم من جنابك