صباح / مساء الخير
الى هذا الصرح الجميل و ساكنيه
هذه المتواضعه
( كحل السهر )
كحل السهر وابيض اوراقي
والحزن ما ذقت انا ضده
يا كثر ما تزفر اعماقي
ابيات تقرى بعد مده
الشوق في لمعة احداقي
ما طاح في كف من وده
الورد ما يعرف الساقي
(والسيف ما يجرحه حده)
مليت من صوت بعواقي
يصرخ علي وينها يده ؟
مادمت من يسرق اشواقي
مالومك اليوم بالصده
النحس تعويذة الشاقي
والخير صبرن بعد شده
شمس التعب مالها واقي
و خيوطها دوم ممتده
العزم نابت على ساقي
يرويه وصلك و لا سده
والشعر لو زاد عشاقي
مثل الصقر صاد بالهده
وين انت يا هقوة الهاقي
لد النظر و الهوى لده
خلك على ذوقك الراقي
مملوح و الزين من قده
لا تشح في عمرك الباقي
اقبل علي دونما رده