[راشد المشرفي]

مصافحة لكسر حاجز الغياب...كان ودي ارجع بشي جديد...ولكن ضروفي أمنعتني اني أكتب جديد..
بس هالقصيدة كتبتها قبل 5 سنوات...ويقولو الي ماله ماضي ماله حاضر.. فيشرفني اضع بين ايديكم ذكريات المااااااضي.....عسا تنال الرضا والسموحه اذا به قصووووووووووور..

يا بنت أشغلتي فكر هالناس والبال
يا كمّ صدر لشوفتك ضايق ومكبوت

يا بنت غطّي حسنك الفاتن ورى الشال
ياأسرع وسيلة ترمي الناظر الى الموت

في سحر حسنك شئ لا يحكى ولا يقال
يا أحلى مجسّم من حلا لؤلؤ وياقوت

لو شافك الطفل الذي ما شاف غربال
ما يهتني نومه ولا شربه ولا القوت

حتى البخيل الي قضى عمره ورى المال
من شوفتك يحضى بماله كلّ مبخوت

وتخيّلي قبلك حشى ما يطلّع ريال
واليوم من عقب البكب راح أشترى حوت!!

كلك حلا وتزيدي المجنون بهبال
طيفك غدى فقلوب كل الخلق منحوت

في شفّتك جمرة غضى يضرب بها أمثال
من حمرها تتخالط الشفّه مع التوت

ومن لون خدّك تبرق أنوارً وتختال
حتى القمر نوره غدى خافت ومبهوت

وفي هيبتك هيبة ملك مع شلّة عيال
يحكي وكل منهم سمع بخضوع وسكوت

وأنتي الا منّك حكيتي تسكت رجال
كنّك كتمتي صوتهم عندك بريموت

حتى الشعر في حضرتك لو قال.. ما طال
كنّه مغني... للأسف أصبح بلا صوت!!

هذي سوايا حسنك الفاتن وألأهوال
يالي لشوفك ترتمي عقلان وبشوت

جيتك وأنا ما طامعً في حبّ ووصال
جيتك تحجبي هالبشر عن شوفة الموت