:
كم حاجةٍ مرّت على بالي وضيّعت الشعور
وابطيت ادور قافها بس المشاعر ثابته
لأن الحكي ماهو سما لكن مثل جسر العبور
مايهمّـني شكله كثر مايهـمّنـي صلابته
مهما يصادفني امل واتهيأ لحسن الحضور
أنساني الصمت الطويل : فضله ،ومهابته
آحلامنا ماهي سوا مع انها دايم تدور
كم صابها صبري ولا عمر الحقايق صابته
يمكن أخذ من هالزمن حاجات من كبر وغرور
مستحقرٍ بوحي ولا يغري جمال كتابته
احيان احساسي غريب وكأنه العبد الصبور
مايشتكي الضيقات وانا ما اشتكي غرابته
وأحيان ياكبر الفرح مايشرحه حدّ السرور
كأن الفضا صدري وانا اطير في رحابته
الضيق ماهو فالصدر الضيق في وسط القبور
لكـن اذا الدمعه سطت ياشــينها كئآبته،،
يارب صـبرني على الدنـيا وعلى كل الأمور
وارحم ضعيف احلامي ووسّع على غلابته
\