محاورة دارت بين
مجموعة شعراء
في فن " امبم "
في جروب
" قلوب متسامحة"
عوض شحاري:
يااقلوب يالمتسامحة
من هو اللى با يزهب معي؟
راعى العزوم الراجحة
نوصل إلى بحر السويس
بالبرهتيه ننزحه
وانغوص في بحر المحيط
نقنص هوامن سابحة
و نقبل على جبل اقهوان
و اب كلمتين انزحزحه
و نخطف على سيح الغرام
ننقف حصاة المرزحة
و نمشي جدا مامورنا
فايل خليفه انصابحه
والخاتمه عقب النجاح
نقعد نقلب نايحه
ناصرالراشدي:
حرف الخطأ بنصححه
عوض ود شحاري بدا
م اللي يريد يرازحه
شيخ القبايل ف البلاد
ف المسأله بنصافحه
كلكم ي اصحاب الجروب
كلام الطرب بنصرحه
نريد المشاركه م الجميع
وراعي الخطأ بنوضحه
يا ود شحاري انا معك
باطير معك بالأجنحه
غالق ملفي من زمان
واليوم حالك افتحه
والخاتمة منك العذر
واليوم صحيبك سامحه
عامر الناعبي:
اهلا بطيورا صادحة
اسمع تقليب اللحون
ف القلوب طربه صابحه
يا ود شحاري يا الزعيم
حزت الطرب ونوايحه
يطرب لك السامع اكيد
وكذا فؤاده تشرحه
خذني معك صوب الخزين
يمكن الاقي مصلحه
معكم خزاين من ذهب
تدعي القلوب متفرحه
اما الجبل امره بسيط
حن سرنا ما نوضحه
من غير سحر وشعوذه
نقدر عليه ونرزحه
والخاتمه ياسامعين
صلوا وقريوا الفاتحه
ابو ميحدالراسبي:
هبي عصر يالرايحة
مزهب محافر للجاط
لكل بسرتآ طايحه
روح زمانك يالبسر
اول مرايل فايحة
اول زمان اول حلو
كلن مجيله فرايحة
الله لاحلك هالزمن
متدعى الخلق متريحة
قلب المحب مع الحبيبه
وفي ميرحانه تمريحه
والخاتمه تم الحكي
الله بسيولن جايحة