لقلوبك البيضاء ...لعلّي ألامسها من هذا النص البسيط..قصيدة عفوية جداً جداً ...بالسريع..
ينــــــــــــــــــــــــــــاير
على الله أنتهي بك يا يناير
أبي موتي مع قدومك يساير
مدام ف جيّتك عرس العشيقة
بزف لعرسها روحي بشاير
وإذا ضنّك بأن العمر غالي
أبي تدري فراق الخلّ جاير
قسم بالله من غبتي ونومي
بخيل وكنّ جفني جاه زاير
فلا قرّبه في بيته يريّح!!
ولا دلّه على بيوت العشاير!!
تعبت فحلمي التافه أشوفك
عروسه والأهل حولك دواير
وجنبك جالس الفاضل" محمّد"
عريسك جعله فنار الحراير.....
وأنا مقهور في عينك أطالع
وحكي العين متحجبه ستاير
وأقول بحسرتي والله رخيصه!!
بشاير مَهرَهَا عالم مٌغاير
يفز النوس من نومه ينادي
بشاير لا تروحي يا بشاير
أقوم ودمعي المقهور يسكب
ولا ألقى غير تقبيل الزجاير
أحاول في غيابك أنّي أنسى
ولو أنسى على حساب الكباير
يزيد الحب...وتتزايد ذنوبي
وأصير فوسطها غرقان حاير
حياتي دون قربك ما أبيها
ولو كنت الغني وأملك عماير
فما بالك فقير و ضاع عمره
وحتى الحلم لو يحلمه طاير
فمان البعد يا حلمً بنيته
بنا دون الغنى ما هو ب صاير
أبدعي ربي العالم بحالي..
عساني أنتهي فأوّل يناير..