[فاطمه القمشوعيه]

حلم وحقيقة
جيتي حقيقه العام ياما حلمتك
واليوم عدتي حلم ما هو حقيقه
العام لا جيتي دقيقه حضنتك
واليوم ودي بس اشوفك دقيقه
العام طفيت احتراقي بلمستك
واليوم زدتي فاحتراقي حريقه
وينك ؟ ثمان شهور وانتي بصمتك
ما ترحمي محروم ما بل ريقه
مشتاق صوتك ، اسمحيلي بوقتك
ابتصل لك بسه هالقلب ضيقه
بتصدي عني لو عنيت وْصلتك
يعني بروح ولا بلاقي طريقه
تدري بأني مت حتى عشقتك
وتدري بأن العمر انتي بريقه
كاني انقطعت ل كم يوم وهجرتك
محلى العتب بين العشيق وعشيقه
تعالي شيلي جروح مني بضحكتك
رحتي وعمقتي الجروح العميقه
تعالي كنت بخير من شوف طلتك
غبتي وخليتي ضلوعي عويقه
عمري بقى كم يوم وااموت تحتك
باكر تجي قبري دموعك دفيقه
ليتك ولا كنتي حقيقه حلمتك
او ليت كنتي حلم ما له حقيقه

منذرالفطيسي
اشرعة الوطن العمانية
9\4\2012