تحياتي للجميع ،،،،،،،،، ولكم هذه القصيدة عسى أن تحوز على رضاكم.
في وسط الامواج والبحر العميق
والسفينة نوخــــذتها وش بلاه
ما يفكر في الصديق وفي الرفيق
همه الاول يــــــــوصل لي مــــعاه
ياخذ المقسوم ويشق الطريق
راتبه في اخر المده كفاه
ولنا وجدوي وجد اللي عويق
طالت المده ولا حصل دواه
ع الذي له في الصدر حبن وثيق
حافظنه عن حسود وعن وشاه
حبي العذري بـــ محبوبي يليق
راقياً في محتواه ومستواة
يا غلا اللولو ومرجان وعقيق
ويا غلا الالماس بيد اللي شراه
انت ماخذ مني العهد الوثيق
ولك عطيت من الحقايق لي تباه
اني مخلص لك وفي حبك غريق
ومن غرامك لا مفر ولا نجاه
وان حبك بالزفير وبالشهيق
انت راس المال عندي والغناه
بس هجرك والجفا سد الطريق
وضاع دلو الوصل وتقطع رشاه
سعد بن عبدون الجنيبي