اقتباس:
المشاركة الأصلية كتبت بواسطة سعد بن عبدون الجنيبي
ودي أسلم ع الجميع ونواجه
اللي لهم عندي معزه وتقدير
القلب مزعجني بكثر احتجاجه
ميت على شوف المها والغنادير
لو كان ما يحصل على اي حاجه
يكفيه سمع منمقات التعابير
وسلام للي رايق اللي مزاجه
كل ما اشوفه احس بالوضع تغيير
ضحكة ثمانه وأنطلاقة احجاجه
تاثيرها ع القلب مب اي تاثير
ياطب كبدي يا دواه وعلاجه
مايجوز تتجاهل وانا مقصدي خير
عدلت لك درب المحبه اعوجاجه
والحب وفيته ولا فيه تقصير
ماني من اصحاب الوهم و السماجه
كانك تباني غير الوضع تغيير
خل التواصل لي يبين انبلاجه
وبجيك جيت من تسوقه مقادير
لانه(سعد) ما يجيبه اللي مزاجه
ما يتبع المقفين من دون تبرير
القلب يظهر للمحب أنزعاجه
يومه يصد ولا يقدم معاذير
والزين لي ميزين لك وقت حاجه
تركه غنيمه بختصار التعابير
سعد بن عبدون الجنيبي
|
بن لعبون ..............
القلب مزعجني بكثر احتجاجه
ميت على شوف المها والغنادير
لو كان ما يحصل على اي حاجه
يكفيه سمع منمقات التعابير
(هلا فيك بن لعبون نص أعجبني ولفت إنتباهي خصوصا بان البدايه الحقيقيه للنص من هنا القلب مزعجني
ازعاج القلب/ أحتجاج/ميت على شوفه/ المها والغنادير.....خطير ياصديقي للقلب أزعاج بصراحه فخر ونشوة تجعل المتلقي في حالة اندهاش منتظر القادم بسرعه جنونيه .......
(لوكان /ما يحصل/ على أي/حاجه)يكفيه يسمع ............وهذه استمراريه النص وسلام للي رايق لي مزاجه سرد مشوق - بختصر الموضوع- رساله إلي الحبيب- ضحكة ثماله / إنطلاقة حجاجه ياخي روعه وفلسفه حقيقه يطيب لي المرور والوقوف عليها بكل فخر
ياطب كبدي يا دواه وعلاجه
مايجوز تتجاهل وانا مقصدي خير
عدلت لك درب المحبه اعوجاجه
والحب وفيته ولا فيه تقصير
ماني من اصحاب الوهم و السماجه
كانك تباني غير الوضع تغيير
وهنا الاعتراف الصريح ياطب /يادوا /علاج - وهنا دوران حول المؤثرات النفسيه كمن يقول أنت كل شي بالنسبة لي فلا يجوز منك التجاهل وانا واناوانا بطريقه حلوه مرصوبه بحنكة شاعر
عدلت / سويت / وفيت لك وانا ماقصرت؟؟!! ماني كذا لاتتصور الخطاء
كانك تبيني بكل اريحيه وهدوء يخاطب الشاعر المحبوبه ويطالب تغير الوضع وبدون تبرير
الخلاصه
نص مليء بالعاطفه ومتمسك بقوة الذات الذكوريه وهنا يكتمل النصاب
والزين لي ميزين لك وقت حاجه
تركه غنيمه بختصار التعابير
نهايه مفتوحه بالاختيار مثل ماقال المثل (إن لم يطعك الزمان طيعه)
تسلم يا بن لعبون لرائعتك ودمت .