على خطى اخونا خالد الكويلي ولكن بدل الرزحه مسلسل ميدان
هذه عبارة عن قصه بين الشاعرين الشاعر المرحوم خاطر ود حساني الفارسي والشاعر المرحوم سالم بن علي العريمي وكانت في دولة الكويت
حيث اتهم الشاعر سالم الشاعر خاطر وجاوووبه الشاعر خاطر اتركم مع القصيده اتمنى ان تنال استحسانكم هي طويله بس بحق رائع وفرد رائع
للعلم الشاعر خاطر هو والد الدكتوره الشاعره سعيدة بنت خاطر الفارسي
سالم علي:
حن نعرف العيش يوم تفل
يعرفوا البغيض المبغضيني
ستة عرب أمس بو ميتين
عيال إيتموا من هيا ويهم
يوصفوا معك بشت بو ميتين
ما عندي خبر من هيا ويهم
علىَّ النـِّفاض وعليك اليد
راعي البداوة عيا بيوبه
يقوولو ا مدرز علي كل يد
بشتن عجيب وعيب يوبه
لا تودر البشت يوم تفل
شله روى للمبغضيني
خاطر ود حساني:
حن باسنا قول مِلــَّقوال ...
قرار الولد أمس يَفقركم
أخونا صبي ياه ما بشريه ...
بدنكم يهالبوم ير عاني
بشتٍ بميتين ما بشريه ...
أنا مِعْول وبيت يرعاني
كان سايح الفرض م تخلوه...
بلاد الشرق وبلد الغربه
طبعكم يهل صور م تخلوه...
في بلادكم وبلد الغربه
العيش اللي مدعاي فوقه بشت ...
تفق بيديك وبترميني
مشتي معي ريت فوقي بشت...
ولا ّصحيت وبترميني
برقد عن الآب عند ميه ...
فلجنا نشيط ومشي عنده
اللي متوه ثلاث عنده ميه...
وراعي السنه ميه مشي عنده
كان نايم سعيد فاضل داري...
العمه عطت قرش بفضلها
من كثرة القيل فاضل داري...
وبعدني حتى كويت بفضلها
تسمنوا وتغنون ملقوال...
ترى قِلـِّت القيل يفقركم
سالم بن علي
النار إلبقتْ فلف تن مف تن
ما لاقي بفت واللقا ويلي
أخير عن التمر يابو شاه
ماي مسخن شراب إشتي
ناس مغرضين يابو شاه
قالوا بنحلف شرا بشتي
خباط اخبطوا في الفرد مخباط
بن ٍ جليته وما با ندنه
يوني ودعوا في الفرد مخباط
أنا مخلينه ومبندنه
تلف الجبل دوم ما تلف وادي
الشاوي وصل مان بعميده
مع ثورة الفرد متلي فوادي
قت لك خطا ما نبعميده
يراعي العبر ليل بتخطيني
ما ناوي البريسم نوي تلي
يوم أعثر قليل بتخطيني
بغضه وحرابه نويت إللي
ورس شريته ومداف علي
هذاك اللي نايم ورا شاشي
ثرت وحشيت المدافع لي
ورميت البنادق ورشاشي
ما بكسر القفل ليحس ساد
ولا تحتر الولد واحتر بو
عليِّه هذروا ناس لي حساد
قالوا صحاب وتو احتر بو
ولو رميتني بلفتن مفتن
بتركه اللغو واللاقاويلي
خاطر ود حساني :
بنتك هذا الميل شامت فيه...
صوغ ٍ يديد العصو ما يدك
على شراعك العود زاهي بدينك
ولدك مية قرش عد مانه
من ثلاث جمعات زاهب دينك
لكن الكتاتيب عدمانه
لمام البسر أمس لمواشين
ركابي فلت أمس من بوه
يا سيدي لا تصطاخ لمواشين
يفرقوا حتى الولد من بوه
خطفنا درب فوق سامح سامح
عقب الوسم بس محك بس محك
كان حالك الزعل سامح سامح
وكان لي زعل بسمحك بسمحك
دست الأرض بن علي بن علي
وما بك سخى بن علي بن علي
كان قوله العبد شامتْ فيه
اللحم م ظهري ... والعصا ميدك
وسلامتكم