الموضوع: رمااااااآح~
عرض مشاركة واحدة
  #28  
قديم 12-10-2016, 11:46 PM
الصورة الرمزية سعيد محمد البلوشي
سعيد محمد البلوشي سعيد محمد البلوشي غير متواجد حالياً
شاعر
 
تاريخ التسجيل: Oct 2012
المشاركات: 795

اوسمتي

افتراضي

صابني في غفله وْ زلّـــــــه
سهْم لا يرحم و لا يْبالــــي

شقّ قلبي و الهوى تلّــــــــه
ولا لذيذ النـــوم يهنالــــــي

ضعت في دربي و أنا دِلّــه
ما لقيت مْثيب لأهوالـــــــي

والطبيب أشفق من العلّــــه
ما لقى في طبّه شْفا لــــي

لنّ غيره مــا قُـــوى حَلّــــــه
جرح ميهود الهوى خالــــي

قلبي المجروح عـــام(ن) لــه
شوف حِرّ(ن) شاقه العالي

و كان سيف الغدر بي سلّه
ليت ما يخطيلي مْجالـــــي

كم وليف فْؤاديــــه شَلّـــــــه
وما صدق في وجدهم فالـي

من رمى بسهوم مـــن خِلّـــه
ما اهتنــى أوّل ولا تالــــــي

احترق لـــو يستـــره ظلّـــــه
هُو جريح بـ كلّ الاحوالــــي


سعيد البلوشي

#ارشيفية
__________________


.
.
لو مرّني اسمك تغازلني الحروف
ـــــــــــــــــــــــــــــــــ تشرق شموس العزّ من عالي سماي

لنّي على ما قيل بك أحيا و أشوف
ـــــــــــــــــــــــــــــــــ يا حظّ عيني فيك لا صرتي معاي
.
.

رد مع اقتباس