محاورة بين
الشاعرعامر الناعبي
والشاعرة كاملة البلوشي
والشاعر مبارك الصلتي
والشاعر جمعة البطاشي
" عبر رسائل الواتساب "
عامرالناعبي:
محلاك يا الورده النديّه
لونك م بين الزهر مفنود
فيك الحسن زايد شويّه
ومزهيه كل البساتين
لون وحلا وريحة زكيّة
لو رد لي محبوب قلبي
باقدمك حاله هديّة
والخاتمة هذا مثالي
وابغى العذر يالمطربيّة
كاملة البلوشي:
هبي عطور الصندليّه...
نسمه من المحبوب تشفي
تروي ضمايا بزمزميّه
تحيا به الايام وتنير
وتحلا الليالي الشاعريّه
تراود فواد الخل اطياف
طيف الغلا طاغي عليّه
ولما تمكن في الحشايا
شروى النحل سوي خليّه
والخاتمه قيس الملوح
هايم في حب العامريّه
مبارك الصلتي :
غنى الذي روحه سليّه
لانا على ذكرى حبيبي
من فرقته روحي شقيّه
لن ذعذعت كوس الشمالي
اتزيدني هـم واسـيّه
بتجيب لي ريحة ثيـابه
مسـك وزباد وعنبريّه
ؤلن شفت ورده في الخمايل
اتذكره صبح وعشيّه
والخاتمه ياقلب مجروح
كله الهوى محنه وبليّه
جمعة البطاشي:
محلاك كوس الفاغريّه
منك فواد الخل مرتاح
متولع ونفسه رضيّه
من طيبته ينشد تغاريد
يوم صادف عيون الغضيّه
لي حسنها تسبي المخاليق
دعجا كحسن البابليّه
ياويل قلبي يوم شفته
في العصر قبل المغربيّه
وبختم مثالي وسامحوني
والآخ بيسامح خويّه