[محمد مبارك البريكي]

أصدق شعور لما الحكي بس بالعيـــــون
والا الكـــلام (ف) لحظة سكوتك ينتهــي

نظـرة بنظــرة ثم توصــل للجنــــــــون
واللي ظماء من نظــرته ما يرتـــــــــوي

شم العطر ما هو مثل ريح الدخــــــــون
ولو ما حوى ريحه عطــر ما يكتفـــــــي

كل ما حصل من صاحبك أمره يهــــون
والطيــــر لو مهما على ما يختفــــــــــي

أبعد من النظرة محال انك تكــــــــــون
وأجمل الأحساس صادق لك وفــــــــــي

حتى الظلام بعتمتــه يملك شجـــــــون
يسكــن هدوء بظلمتــه ولو هو خفـــــــي

إحذر من اللي داخلك بس لا يخـــــون
والنفس ما تعطــى على ما تشتهـــــــــي

جرب وشوف احساس نظرات العيون
وكل الكلام بلحظة سكوتك ينتهــــــــــي