الموضوع: رمااااااآح~
عرض مشاركة واحدة
  #6  
قديم 06-03-2013, 10:25 AM
الصورة الرمزية سعيد محمد البلوشي
سعيد محمد البلوشي سعيد محمد البلوشي غير متواجد حالياً
شاعر
 
تاريخ التسجيل: Oct 2012
المشاركات: 795

اوسمتي

افتراضي

ايـــــه أحبّــــك





"ايه أحبّك" قالها قلبي وْ رضيـــت
غصْب عنّي أنطق حْروفك وأبيهـــا


صمْت عن لقياك لكن ما قويــــت
ذكرياتك وين ما رحـت ألتقيهــــــا


وأدري أنّك في غيابي مـا سليـــت
دمعتك خانت عيونــك و تْخَفيهــــا


خانتك حتّــى الجفـون و لا دريـــت
رغْم صــدّك شاقها مــن يهتويهــــا


لو تكــابر وش مــن الدنيـا خذيــت
كــــان قبـلــك دام فيـهـــا أوّليـهــــا


و ان جرحتك تدري أنّي مــا عنيـت
كم جروح لغايتــك قمـت أشتكيهــا


مـن ثمــان سنيــن عايش لك و ليت
تنشـرَى هــذي السنين و أشتريهـــا


لجْل تعرف كــم لعينـاك اشتـقيــت
ولا شكيتك من كثرْ مــا همْـت فيها


"ايه أحبّك"..والمصيبة ما اكتفيت
قمت أردّدها وأسلّــي نـفـسـي بيهـا


لو بيـدّي قلـتهـــا فــــي كــلّ بيــت
من بقى بعـــدك يعاتبنــي عليهــا!!


__________________


.
.
لو مرّني اسمك تغازلني الحروف
ـــــــــــــــــــــــــــــــــ تشرق شموس العزّ من عالي سماي

لنّي على ما قيل بك أحيا و أشوف
ـــــــــــــــــــــــــــــــــ يا حظّ عيني فيك لا صرتي معاي
.
.

رد مع اقتباس