[أبو المؤيد]

المشاركة الأصلية كتبت بواسطة نبيلة مهدي

سلام يا أخوان
بصراحة مواقفكم أضحك و مرة حلوه
راح أقول لكم عن مشاغباتي يوم كنت صغيرة..
كان في أول أبتدائي .. كنت أحب أشتغل في المطبخ و أطبخ ذاك الطبخ ههه
المهم كنت أحب أقلي بطاطس .. طبعا شلت قشرة البطاطس و قطعتها..
و حطيت المقله عى النار و فيه الزيت و خليته حتى يحمى الزيت و يصير جاهز للقلي..
طبعا أختكم نسيت الزيت و صار يغلي و جت أختكم تشوف حضرتها الزيت صخن لو لا و بجرب
و أخذ بطاطسة وحدة و أحطها في الزيت عاد تخيلوا شنو صار.. ولعت النار في الزيت و صارت أصارخ
جدتي الله يحفظها و يخليها كانت في الحمام تسمع صراخي مافي أحد إلا هي و جدي الله يرحمه تعبان و كان عنده رجال يزوره
سمع صراخي الرجال فز وراح وشاف النار واصله السقف أني سمعت جدتي تصارخ و تقول نبلوه أذا صار فيج حاجه بقتلج بس أطلع من الحمام
يا شيطانه وتهددني أنه بتضربني و أني أخذت عباتي و هربت لبيت عمي... و طبعا الرجال طفى النار عاد مدري كيف المهم عندي أهرب لا تصيدني جدتي و تضربني ضرب..
طبعا طول اليوم في بيت عمي جئ وقت النوم و أنا ما رجعت خايفه.. ما أشوف إلا جدتي جت و تمسكني و أني أصيح لا تضربيني أخر مرة أقلي بطاطس.. و هي تصيح و تضحك في نفس الوقت
تقول خفت عليج وايد يا نحيسه و أنتي هربتي خايفه أضربج ما راح أضربج بس من خوفي عليج قلت بضربج علشان تتأدبي.. بس طبعا ما أترك مشاغبتي يا كثرها ...

موقف جدا كان مخيف هو من جدتي لو من النار اللي شبت الله ستر ما صار فيني شيء

حبيت أشاركم في الموضوع...

يسلمو أخوي مصطفى المعمري

هلا أختي نبيلة:

والحين بعدك تقلي بطاطس

أكيد من يومها حرمتي

مشكورة على المشاركة.