[تركي الحبسي]

شاعر وطن ... هذي القصيده أكثر جمالا من سابقتها


بغيابك يزيد الغلا وأن جيت أحيانا نقـــــــــــــــص__يتذبذب الأحساس بغياب العيون الناجـــله

ازرع وفى احصد جفى وتضيع بحياتي فـــــــرص__كلما تلّمست الحقيقه ترتعد لي خاجـــله

سعدي غفى حزني لفى رغم التفاؤل والحرص__ذبلت غصون العاطفه من انتظار الزاجــله

رأسي انكمش بالشيب والغربه لأفراحي قفـــص__حتى فرح واحد عجز هذا الزمان يعــاجله

تطلب من العين البكى والدمع من عيني خلـص_صارت محاجرها صحاري من همومي وآجله

لو تقرأ الاشواق ماتقوى على قلبــــــي ترًّص__صدك وتمسح من حواسي لك مشاعر آجله

لكن صحيح القلب اعمى مادرى ويش اقتــنص__كومة عذابك والجروح من الغلا سياج له

سبعه ع سبعه بوجهك أذهلت كل القــــصص__بينك وبين الشبه الآخر ياحبيــــبي مساجله
صاحبك لو يدري بحظه كان قلبـــــــــه مارقص__واليوم في صحرا المحبه ماوجــــد علاج له

بعطيك من صبري قسط واتيني من صدك بنص__لعل تدرك بالهجر كيــــــف الوصل تحتاج له

تعرف طريق الحب عام وتفّرعه للي تخــــــــص__ونهاية الرحله لقاء والا جـــــفى واحراج له