[حسان الحوسني]

شغل الإرسال وأكشف ع البريد
يا عسى الجوال ينهي ذا العذاب

غـاب خلّـي والبعد شيٍ شـديـد
وانسدل جفني تغطّـى بالسراب

انتظرتك والقلب يبغى الجديد
ما قدر ينسى فراقك والغياب

أحتري وصلك وأعبّي هـ الرصيد
وأنتظر ردّك وحلّك للمصاب

البعد ينحت وسط قلبي بالقصيد
"غيبتك أعمت عيوني باغتراب"

ليت قصدك من غيابك تستعيد
حبّ خلّك والتجافي عنك غاب

صار قلبك قاسيٍ مثل الحديد
وأنتشر في خافقك سود الضباب

العمر يفنى وما له من مزيد
راح عمري وأكتمل فيك النصاب

م انتخيتك تنتظر سير الصديد
ما توقعتك تحرّمني الجواب


#كلمات:
حسان الحوسني