[مختار السلامي]

صاحبي وان كذبت فيني الوعود
احرم عيوني سهرها والبرود

واترك الاهداب تشقا من سهدها
في لياليها وانا خصم الرقود

والقى لي في مقبل الايام ذكرى
تشبه الفايت من انسام و ورود

علها تاخذ من الجدران شوفي
وانتبه للي حسبته ما يعود

واختصر فيها من الاوهام نفسي
مثل ما ضاق المدى فوق الحدود

بشريني يا سنين العمر مره
قبل ما ينهي الزمن عمر الوجود

نلتقي لكن تعلمنا نفارق
في خطى الاقدام لي عين وحسود

ما سئلت الناس عن رد العطايا
صاحبي والغيم ف الصحرا يجود

ان تعبنا من فراق الوصل نصبر
وان وصلنا نلقى للفرقا وجود

مثل حظي ما شبه ف الارض ساعي
مثل ندي ما لقى فيني جحود

ياضماي اللي تعبت القى مثيلك
لا تمنيني على فيض السدود

نرتجي عفو الذي بالناس داري
من جعل لقياه اقرب ف السجود

صاحبي هذا المدى والله كاذب
ما حيا من عاش عمره للقيود