[أحمد المغربي]

فجأة \\ بعد ضيق العتب فالمحاني..!!
ـــــــــــــــــــــــــــــ زادت سواليف الجفى في عيوني

من يوم ماغابت عليك الأغــــــاني
ـــــــــــــــــــــــــــــــــ خليت في نفسي دقايق جنوني

أشعلت لك صدري وأنادي عشاني
ـــــــــــــــــــــــــــــ أطفيتي شمعاتي وأنا في طعوني

كم ظالمن عانا غضب في ثواني
ــــــــــــــــــــ وكم عاشقن يبحث عن أسوء ضنوني

قدمت لك دنيا على شكل ثاني
ـــــــــــــــــــــــــــــــــ بس المصيبه ماتحملت عوني

بعض العتب لامن تعدى ثواني
ــــــــــــــــــــــــــ يرجع على الفرقى وحلمي تخوني

غابت فوانيس الندم في زماني
ـــــــــــــــــــــــــــــ مديت أغصاني وربعي إحطبوني

ضاقت على يأس العمر هالمعاني
ــــــــــــــــــــــــــــــــــ حطيت في درج الأمل لاتكوني

كنتي وكنتي للمحاني أماني
ـــــــــــــــــــــــــــــــــــ غبتي وغبتي ثم تعديتي كوني

حتى سؤال لعمر : أحمد تباني؟
ــــــــــــــــــــــــــــــــــ ألقى عيون الرد عايش بدوني

ضاعت ثلاث سنين والهم باني
ـــــــــــــــــــــــــــــــــ أكبر مدينه بين أصغر حصوني

مدري عسى هالروح تنسى مكاني
ـــــــــــــــــــــــــــــــ وإلا أشيل الثمر وأكسر غصوني

أدري بعد ضيق العتب ف المحاني
ــــــــــــــــــــــــــــــــــــــــ أفقد غلاتك ثم أبدى جنوني


أحمد المغربي