البرق يسري في القلوب ويعتلي
هامات من يدعو الإله ويسأله
والغيم يرعد في السما ومحمّلي
بالخير ورياح المحبة تحمله
ياقطرة السيل اسعدينا واهطلي
الروح تسعد بالسيول المهطلة
والورد مشتاقك بحبك ينسلي
والأرض صارت من لقاكِ مبلّلة
رشي علينا بأمر ربك وانزلي
هو اللي بإيده كل صعب يذلّلـه
عيدي من افراح الزمان الأولي
الوادي اللي كل قلب يحن له
واحنا نْتِرجّى الرازق الفرد العلي
نستبشر برش المطر من أوله
بس في مسار دروبنا نتمهلي
لا مانسوي فعل كلنا نجهله
كم من مغامر صار خاسر مبتلي
مايحسب حساب اللي بيده يفعله
والطيش يودي للمساوي ويقتلي
كم طايشٍ سبب اذاه ومقتله
الوادي يغدر من يمر ويمتلي
والصبر واجب لا أبد ما نغفله
هذا كلامي واسمعوني ياهلي
السيل رحمة والله اللي منزله