السلام عليكم ورحمة الله
ياراسي المطنوخ سلطان ..سلطان
ودي بها وانته تدل كل سبلها
تنسط اليها الانس وتصفق الجان
وتجرد امات الخجل من خجلها
سلام الله على اللي قادنا قدام بالعربان
الين انا افتخرنا بأصلنا لا قالو عماني
سليل اهل الكرم والطيب حضرة سيدي السلطان
ابي قابوس مصدر عز كل شيخ ن وسلطاني
عسى الله يحفظك يامنبع الخيرات والاحسان
ويبقى الدار باهل الدار يامولاي عمراني
وفي كل عام وانت بخير وبظلك ..علي الشان
نقود العز وانسوقه لنا في كل ميداني
تعلمنا على يدينك وحفنا الصعب حتى هان
وطوعنا الليالي والزمن عقب القسى لاني
وركبنا كل عالي وامتطينا هالسحاب حصان
وسكنا بالثريا وغيرنا بالارض سكاني
بلادي ياسلام الله عليها بين هالاوطان
علمها بالسما حر ن رقى من دون جنحاني
بلادي سيرة المجد وحكايات الشموخ عمان
غلاها وين ماشديت يبقى وسط شرياني
بلادي يابعد راسي احبك وادعي الرحمان
يحفظك مع فجر كل يوم من ميلات لزماني
نحب اللي يحبك والذي يبغا اذاك يهان
معانا يحشم الطيب ويهبا كل خواني
على نهج النبي سرنا وشرع الله والقران
بعد بسمه توكلنا ورجمنا كل شيطاني
وطاولنا الرفاع بمجدنا ذو الجوخ والتيجان
الين انا افتخرنا باصلنا لا قالو عماااااااني