اقتباس:
المشاركة الأصلية كتبت بواسطة زايد بن عبدون
يا كنـــوف الســحـاب المثـقــلات الرّكـام
يا المزون اللي كـست صحـوة الجــو غيم
يا سحــب ظللــي قـــامت رفيـع القــوام
راعـــي الكشــح الأهيــف و العويد النعيم
و أرســلي بالصخـى نفحـه رذاذ و غمــام
و أسكبيـها علــى الوجــه البهي الوسيــم
الخــدود النّــديـــه و الشــفــاة النــعـــام
و الثنـــايـــا لألـــي مــن محــيط عقيـــم
في جبيــــنه ضيــا القمــرا و حد الحسام
و انعطــــاف الحــواجب كنها حـرف ميم
يـــوم شـلت عيـونـه و أمطـرتني سهـام
مــا قــويت الصمــود ولا بقـى لي لزيـم
صــاب قــوّة دفــاعاتـي عطـل و انعـدام
رافــع الرّايــه البيضــاء ولا سـين / جـيـم
شفــت فيــه الوصــوف النّادرات الرّحام
ليـن شــد انتبــاهي بيــن ضـول الحــريم
يــا فــريد الجـمـال و يــا رفـيع المقــــام
أرجـــو أنــك تعـــاملنــي بقـــلـب رحــيم
تعتنـــي بــي و تعطــيني امــل و اهتمــام
دام قلــــبي مولـــع بــك و جرحــي أليــم
لــي ذكـرتـك عيــوني ما غضـت فالمنــام
لـــك تســرّينـــي الذكــرى بـ ليـل عتـــيم
أنـت حـب البـدايـه و أنـت مســك الختـام
و انتـــه آللـي ب عرش العـاطفة مستديم
و انــت مقصــودي الــذاتــي و غايـه مرام
بـس هــونــك عــلى قلــب بحبـّك يهـــيـم
و أنـــت عنــدك عـذاب الحـب برد و سلام
بيــن مــاهـو عــلى غيــرك عذاب و جحيـم
و أنـت مـن مفــرق الهــامـه اليــن البهــام
مـــكتــسي بالجمــــال و بالحــلا كسرتيــم
لابـــس الحــــسن حلــه و المـــزايا وسـام
فيــك جيـد الغــزال و فيــك عيــن العـديـم
مــن وهـــج مبسمـك تجلي خيـوط الظـلام
و مـن بهــى طلتــك تنعــش حيــاة السقيم
يــوم تقبـــل تظـــاهـــي نـــور بــدر التمام
و يـــــوم تقفي دجـر يتـــلاك ليـــل بهــــيم
فـي صريــح العبـــارة و اعتـرف لك لــزام
وللــه أنــي مــتيّـــم بــك و ربـــي عليــــم
بانتـظــــار الــزيــارة لــو تجـي بـعــد عــام
لا تبـــاعـد و أنـــا مــالـي ســواتـك نــديــم
أغتيـــال النـــفوس بــدون حــجّـه حـــرام
تـــدري الظلــــم فـي الأنســان طبع ذميم
مـــا يبرّيـــك من حقـــي صــلاه و صـيــام
لـــو تطوفــت فـي ركـن الصفى و الحطيم
شفــت كسر القلوب و شفت كسر العظام
بـس كــسر القــلـوب أكبـر بشــي عــظيم
الشـــاعر : زايـــد بـن عبــدون الجنــيبي
|
شفــت كسر القلوب و شفت كسر العظام
بـس كــسر القــلـوب أكبـر بشــي عــظيم
الله الله يا بن عبدون وأنا أشهد أنك محترف شعر
صح الله لسانك مدد بلا عدد
سلامي وأحترامي
__________________
نويت أكتب لكم بعض أعترافي
أخبركــم عن أسبـاب أختلافـي
أنــا مانــي عــن الشعـــار ثانـي
ولكـن حرفـي المكتـوب كافـي
كتــبت الشعـر لأن الشعر مهـره
اروضــها علـــى كـــل القـوافـي
ربت في داخلي من يوم صغري
خذت من صدري الدافي لحافي
لهـــا مابـيـن ضلعينـي مكــانـه
مثل شهمً مـن الأصحــاب وافـي
توردنــي متــى مـاكنـت ضامـي
ووردهــا نهــر دجلـــه ونافـي