واعتبار ان المصايب من آوكار الظروف
مادروا بن المصايب حدت باقدارها
يا الحِليله لا يشوفون برقعش الضيوف
ما لغير اشعابش احمد يطوف اطرافها
لش نذرت آدنق الرّاس وآ عز السيوف
وا تحدى فرقة اللي رمت بحرابها
لش من الضرات عذرية الغر التروف
آدميه ما نست دينها وحجابها
لو ظهورالحق كالشامه بوجه الهنوف
زينت جُل الحقيقه و شين اطباعها
يا قصيدي مالك إلا المحاني والرفوف
ثم كساكَ من العذاريب زود ترابها
قول بن شلحاط بين الحداثه والكلوف
شعرنا بين (المواني و نار اهضابها)؟؟
يمدحون اللي من القاف صبيا ماتشوف
غرّهم مزيانها وافتنوا بهدابها
والمعاني خالياتٍ لو الخطّ معطوف
لو شبحت اسوارها او طرقت ابوابها
طبلوا صبيانها للمجامل بالدفوف
واخدعتهم بالاساور وزين ثيابها
يا كفيف العين ثمن مداخيل الحروف
يا كفيف العقل عن لا يغرك نابها
والعرب ما تعقر إلا السمينه للضيوف
لو يجير الوقت واقفى وجا من عابها
ما تطب الريس من طبعها ركض الكلوف
ظولت كل العلل و الصَّعَر برقابها
يا زماني لا يغرّوك كثران الحلوف
ذي مصيبتنا ، وخلها ، وربك جابها
كالغواني غرَّهنَ المجامل والوصوف
يا كثر ما لبوسها الغشش جلبابها
لو كتب ربي وزورك وانا شخصٍ شغوف
واتقرنس فلسفة شعرها و عرابها
انت يامير الطروق المقرنس بالحروف
ما لغير اشعارك امسيبها وصحى بها
كنه الاشقر يكيّف ومبهاره كيوف
وانت اهلً للكرم نارها واحطابها
والله إنني من عمر وا تعشم بالظروف
خفت اسلم واتغشّم ...وروع اسرابها
لو نصاك الفرد يحرمك والله ،مايطوف
مير مالومك ملايينها با حسابها
يا كُثر وجدي ليا عكّر الصافي طيوف
وا تفوّد بالنغيصه وحل ارقابها
خذ نصيحه يا أخي قبل ينبت لك زلوف
لا تنومس للرجوله بخط اشنابها
ذا نصيب الخلق و ( الكل يلبس مايشوف )
والغدا من خيرها و الشراب اشرابها
ما على الدنيا حرج ، ما على الارزاق خوف
دام كلً قد رضى واحتسب يسعى بها
وسلامتكم.....
اخوكم احمد المخيني(طرماح).....
واعذروني على الخط تراه الكتابه عن طريق الهاتف