لاتحسب أني من مفارقك زعلان
نسيت ماضيك وبنسى ودادك
هذا الزمن فيه المتاعب والاحزان
وسعادتي وفرحتي في بعادك
غلطان من يتبع مقفين غلطان
وغلطان من حبك وعزك ورادك
لو الوداد يموت برجال شجعان
بسل سيفي لجل اقتل ودادك
لكن بصبر والصبر طبع الانسان
اعرفك بتندم وتلعن عنادك
مسكين ما تعرف للأمور ميزان
تبغي تصيد الحر والحر صادك
واليوم أبعد روح من دون رجعان
سامحك ربي يعله البعد زادك
يا ناكر المعروف منى والاحسان
اليوم ضعت ومبعد السير بادك
ولا انا في روض جنات وجنان
القلب لا حبك ولا عاد رادك
مرتاح عن اللي لهم قدرن وشان
ولا انت نوحك ما يحقق مرادك
غشيم يامسكين خسرت مجان
خسرت مصلوحك وتخسر مفادك
لاتحسب اني من مقارقك زعلان
نسيت ما ضيك وبنسى ودادك
--- سعدبن عبدون الجنيبي