[عبدالكريم السعدي]

مجرد تسجيل حضور ليس اكثر..

اتمنى ان تكونوا جميعكم بخير.


خذيني للسمـا حتى تّطهـر ذي الغيـوم الروح
وارمينـي بعـدها مـن سمـاك ولا تقـربيني

عشان احس بك اكثـر وّنا في غرغـرة هالبوح
واتنفْسك مـن قبـل الألـم يقطـع شـراييني

ابي ارحـل بدون اشعـر بصوتك منقهر مبحوح
يسرمـد ذّ البياض اللي بقى من واقـع سنيني

ابي آلملمـك فينـي وارمـم قلبـك المنشوح
على اْسفلت الانيـن المضطهـد روحك ومبليني

وضميني على صـدرك يتيمٍ مكتئب مجروح
ولا تبكـي علـيْ ولا تنـوحـي بـس ضميني

او اخذيني إلى ميـلاد انفـاسي بدون جروح
يمكن ينـولد عبـدالكـريم جـديد في عيني

خذيني وانفخي فيني الطموح اللي خذله طموح
كبر لكـن رجع يصغـر على اطـراف كفيني

خذيني طفـلٍ يعـانق صـدور الممتلين وضوح
لاني مـا عشت طفـلٍ بدون احزان تبْكيِني

لاني مـا لمسـت إلا الحـزين معـانقٍ للروح
من اول مابديت احبي ركب ظهري ويشقيني

أمـانة لو بقى فيني بصيص من الامـاني تلوح
تخليها تمـوت بداخلـي وان عشـت دفنيني


عبدالكريم السعدي