[عبدالله بن خزام المعمري]

سفير الشوق

أدري بغرامٍ فيك ياخوي لا تبوحْ ** نظرة عيوني صدق جابت خبرها
تفضح عيونك حب بالقلب مجروحْ** لا تزيد جرح القلب وعينك سهرها
هذي طريق الحب أشواك وجروحْ** تدمي سفير الشوق إنْ هوْ عبرها
مثل الأفاعي سمها يقتل الروحْ** دامك وضعت إديك داخل جحرها
قبلك بحرت الحب ما فادني النوحْ** أجرع كما الظامي ليالي كدرها
حافظ على المحبوب واحرص عن يروحْ** خله وسط قلبك وعينك مهرها
ارفع شعار الصفح: معذور .. مسموحْ** نفسٍ عفت لا شك يكبر قدرها
وابني حنايا القلب آمال وصروحْ** وازرع ورود الشوق وانثر عطرها
اسلك دروب الود حاذر عن تشوحْ** كم من غريقٍ في غياهب بحرها
خذها نصيحة صاح ما يريد مربوحْ** ليته لقــــــــاء الخل ليلة قمرها

عبدالله بن خزام المعمري