لو بحر الأشــــواق جمعنا
الســـــــفينة خانت المينا
ما رست والســــعد ودعنا
غادرت فجـــــــأة مرافينا
ذكــريات البعد توجعنا
أنخدعنا يـــــــوم حبينا
البكـــــي جرّح مدامعنا
والحـــــزن خيم بأراضينا
الوله والشــــــــوق ولعنا
نار في الخفاق تكــوينا
وين لي نشكي ويسمعنا
وين لي بالأمــس يرضينا
ليــش يا المضنون قاطعنا
واجبٍ منــــــــك تراعينا
ليش غايب عن مسـامعنا
وتارك الأشـــواق تصلينا
غــاب طيفك عن مرابعنا
والحنين يرج خـــــــافينا
لك غـــــلا لك ود يدفعنا
صوبكـم والوجد يروينا
عنكم ما شــيء يمنعنا
ليش تســـعوا في تجافينا
يا بحر الأشــــواق جمعنا
بالســــــعادة مع محبينا
طبعاً هذي أبيات بالشله