[راعيه بوش]

قصيده كتبها واحد متعقد من المكياج..."يقول شاعر زمانه ":


يا صانع المكياج الله يجازيك
خليتني مخدوع ف شكل خلي
الله يحرق مصنعك مع مبانيك
والمعرض الموجود ف بيكادلي
ادعي عسى تعمى وتنشل رجليك
هذا دعائي دوم لا جيت أصلي
خليتني أركض ورا البنت هاذيك

وأشوفها أجمل غرام حصل لي
قلبي عشقها يا (جيفنشي)توماتيك

وإن شافها قلبي يرحب يهلي
هى رحبت بي وقالت الله يحييك
وقالت هلا باللي عشق زين شكلي
وقالت أنا أجمل بنت ف اللي حواليك
شف حسي الاخاذ وروجي العسلّي
طالعتها ثم قالت هالقلب يبغيك
ومن شاف حسنك خلي غيرك يولي
أبغي أشوفك دون مكياج يكسيك
وأبغي أشوفك بالجمال المحلّي
قالت تبيني أفرك الوجه تفريك
وأشيل هالبودره وروجي وكحلي
قلت أي نعم قومي عسى الروح تفديك
أبغي جمالك هالطبيعي يهلي
قالت دقايق راجعه لك وأراويك
ذاك الجمال اللي لعينك يسلي
ويوم رجعت لي شربكني الشرابيك
وحسيت الارض تدور وأنا بمحلي
الخد كنه يا(جيفنشي)سيراميك
والوجه شارع مثل شارع حولي
الوجه كنه بيت كله شبابيك
من هالحفر ف وجهها اللي يعلي
كله سبب مكياجك الله يجازيك
خليتني مخدوع ف شكل خلي
ونصيحتي لكل شاب من غير تشكيك
لا لا تسرع ثم تنغش مثلي
اللي بلا مكياج خلها حواليك
واللي تحط مكياج خلها تولي



" تحياااااتي....
تتبعها السمووووووحه "