[سالم سعيد المحيجري]

محاورة شعرية فن الرزحة
بتاريخ 25/9/2015 في ثاني أيام عيد الأضحى المبارك منطقة سنيسلة (الشعبه)ولاية صور بين الشاعرين :

سالم بن مسلم المحيجري والشاعر :
خميس بن سالم السناني الناوري

سالم مسلم المحيجري:

ببدي بإسم بثني بإسم أول اسم
اسم الإله في كل ساعه نذكره
وبتلي برسم المرتسم راعي الرسم
راعي الرسم رجل ن يدينه ماهره

خميس الناوري:

يصاحب الفهامة ما بين الثنينه جسم
واجسم على اللي تشوفه وتنظره
كم ن فكم مسبح بكم بحر الظلم
ولو البحر بيفيض موجه وبحره

سالم:

أهل العزم عندهم عزم لي يعتزم
وعندكم عزايم للعلم وتفسره
اسال عندك منذ عام ن منصرم
والي سألته قال لي فالقاهرة

خميس:

تمر الفتى يا سالم وكلوبه هشم
آمر على الوالي جنوده وعسكره
وكانك ربيعي الليله ياخواي اهتم
لا تخلي ربيعك منقصر في الدائره

سالم:

يا شايبي هالليلة فكل شي ملم
ولا تبا منها مزاح وغشمره
روحي اليمن يعجبني ويمحني العسم
راعي اليمن تبقى يدينه ميسره

خميس:

باشل قولي وبنهم سالم بالاسم
سالم ربيعي والهوى ميكدره
سلي فوادك لا تخلي فوادك هم
حاشاك ع الكلمة الوصيمه القاصره

سالم:

أنا ربيعك لو زدت المرارة سم
ولون تبدل لي المرارة سكره
وأهل العقل حن بنتعلم منهم
وعن لا تفكرنا نقدم عاذره

خميس:

عدنا لزم وعن صفنا لا تنهزم
إن كان باتدعى عيونك ساهره
وشفنا حلم وهوامش ن بين الحزم
الذيب يعوي والفعى فوق شجره

تمت