كذبة..
أبكذب والبس الكذبة وعساها تكون لي هندام
وأبقنع نفسي بقصة تحقق كل آمالي
أببني قصري فدفتر وأطوع لجله الأقلام
ولا أحتاج للبيسة مدام فحبري ريالي
بزوج عنترة لعبلة وأخلصهم من الآلام
وأجمع قيس مع ليلى يعيشوا وحالهم حالي
بدور لي على وحده تكون لكذبتي إلهام
تصير لعتمتي شمعة وتنسج أجمل خصالي
ي كم ساعة فرح ذابت وسط نيران هالأيام
وكم خنجر ترك نصله / هرب لجيوب عذالي
أنا مذنب /أنا جاحد , أناني منغمس فأوهام
وأنا حلم الشتات اللي فلت من عقدة حبالي
أبكذب دوم مع نفسي وظلي فالحقيقة يضام
وعسى حبل الكذب يطول ويوصل قمة جبالي
مدام الواقع يعاند ي مسهل طينة الأحلام
بشكلها على كيفي وبرفع سقفها لعالي
أبكذب وأكتب الكذبة الين تصدق الإبهام
بأني بكذبتي عايش وعسى هالكذبة تحيالي