[سالم سعيد المحيجري]

محاورة بين الشاعرين سالم بن راشد الصلتي وسعيد بن عامر الداودي بتاريخ 26/9/ 2015

سالم

سلمى ليغرك صباها
تعقق في لهيب دهاها
زاهيه ببناجريها
وقليل العقل تغباه
كانك ذي نصيحه تباها
اتبع الصلاه وهداها
ونفسك بالتقاء ترضيها
وربك بالتقاء ترضاه

سعيد

سلمى لي يتبع هواها
بعده ما يبلغ مداها
أحسن بلهدا يخليها
عن تكسر قبضة عصاه

ولي صلى وترك بلاها
بيحصل صافي رضاها
لكنه الذي يشريها
بنقوله ف أمان الله

سالم


ناس ن فالبلد تبغاها
تشريها وتبيع بناها
لا صوم وصلاه يجليها
ويظن الدنا حلواه





سلمى الدنا هاذي تراها
ما سلم حد من رحاها
حدن تلدغه بدبيها
وحدن يبغاها وتباه

سعيد


فرعون أوله سواها
لكنه تعب محصاها
من عقب تخلف فيها
والسبب بليس أدهاه

تسقيه من صافي لماها
وتسفيه من لذة غذاها
ينهم وينادي عليها
لين يبلغ منتهاه

سالم

ربي بالحسن كساها
زينها وزين سماها
تدعاه الجاهل ضنيها
يرعاها ويظن ترعاه
نصيحه ونصيحه كفاها
في وسط الفواد دعاها
نفسك بذكر نجيها
وزيد عالنبي بصلاه

سعيد

سلمى بايبين غواها
بايظهر ساعة رباها
يلي بالعشق يغليها
طاح في هم وبلاه

بونها تسحب رداها
والزمن يركض وراها
محد الدنا يوحيها
تاكل كل طعمن تباه

تم الحوار