الموضوع: اشوف العيد
عرض مشاركة واحدة
  #1  
قديم 26-03-2020, 01:48 PM
الصورة الرمزية محمد عبد القوى حسن
محمد عبد القوى حسن محمد عبد القوى حسن غير متواجد حالياً
عضو اتحاد كتاب مصر
 
تاريخ التسجيل: Aug 2009
المشاركات: 68
إرسال رسالة عبر MSN إلى محمد عبد القوى حسن
افتراضي اشوف العيد

واشوف العيد ف عيونك يابنتى
ياستى واختى وامى انت وحبيبتى
واشوف العيد ف عيونك نجودى
وترضى على بالفرحه تجودى
ياراسمه الصبح فى عيونى مداين
وكاتبه كتاب الدهشه ع البسمه العفيه
انا اجرى اشوف رسمك وبسرعه اعاين
اﻻقي رسمتك تشبه عنيا
انا فنانه طالعه لك يابويا
وانا بحبك ف بكره والعشيا
وللفجر المندى اطلع بقوه
وامد للبشرى وافرد ليها ايديا
ياكل العيد واعياد ضايعه منى
واعياد ع الشط كانت بتراودنى
واشوف العيد ف عيونك مندى
كفجر ضحوك وراجع لينا يدى
اشيلك بين عيونى وجوه حضنى
يازهرة عمرى انتى
ويا قمحى وقطنى
سنابل للغﻻبه ف جرن غله
مواكب للعصافير المستحيه
يحط الطير يشيل الطير يودى
ويملى العش من عشقى وودى
زغابه خضر ريشهم يحتوينى
غﻻبه شوقهم دايما يكتوينى
واشوف بكره وبعده وبعد بكره
ياعمرى انت وياضحكة سنينى
اشوفك قريتى وبرضك مدينتى
وانا مسافرحنينى معاك انتى
ولما ارجع بلهفه تخطفينى
لرسوماتك بسرعه تفرجينى
اقول الله عليك جميله جدا
واشكر ربى على نعمه على
ياست واختى وامى انت وحبيبتى
__________________
www.mobd3o.com
لما الهوى خدنى لافراحك
والحلم بينبت ف بستانك
اطلع لشجر المانجه
وانزل اتوضى
على شط نهر الرضا
ياحلوه من عنابك
شهدك نبيتى يالغلا
وقلبك ربيعى بالمنى
بيشيلنى كلى بكلى
لشهد تفاحك[/SIZE][/COLOR]
رابط صفحتى على الفيس بوك
https://www.facebook.com
/profile.php?id=100000928904797

التعديل الأخير تم بواسطة محمد عبد القوى حسن ; 05-06-2020 الساعة 10:07 PM
رد مع اقتباس