[محمد الراسبي]

- - أحمد بن عبدالله المعمري
- - الشعر الشعبي
- - بشاير

ياطير ياللي في سما العز طاير
خضر الغصون البوم بايت عليها

والعين لي تسدل جفنها ستاير
تحجب شعاع النور عن ناظريها

والنور نعمه وسط عين البصاير
لكـن كفيف الروح ما يحس فيها

يوم البدر من فوقنا صار غاير
ودروب بحـــر الليل به نهتديها

دارت بنا الايام مثل الدواير
والنفس كانت بـاديه في ذويها

قدامها يومين تغدي كساير
ومعـــــــانقة لفراح ما تشتهيها

مكتوب اكسب من حياتي خساير
كل السبب كاعب عيوني تبيها

لو شفتها من وين مارحت ساير
تقوم وسط الدرب تومي بيديها

كنها تسوق من الفيافي بشاير
والورد متفتح عـــــلى وجنتيها

لو هي حكت اذني عليها تضاير
وإذا صمتت اشتــاق مره حكيها

من حنجرتها حروف شعراتطاير
ويذوب حتــــى البرد من شفتيها

سبحان لي خلى حسنها مغاير
منها ابتديت الحب صعب انتهيها